#ကိုဗစ်Vaccineဆိုင်ရာမေးခွန်းများ (9.7.21)
=================================
1. Covishield ကို တစ်ကြိမ်ထိုးပြီးတဲ့ သူအဖို့ နောက်ထပ် အမျိုးအစား မတူတဲ့ vaccine ထိုးလို့ ရပါလားရှင့်? Covishield ကတော့ သူတို့ လက်အောက်မထိုးချင်တော့ပါ၊ ဆေးလည်း မရှိတော့ပါ။- လတ်တလော နိုင်ငံတကာတွင် လေ့လာမှုများအရ မတူညီကွဲပြားသော ကာကွယ်ဆေးနှစ်မျိုးကို နှစ်ကြိမ် (ပထမအကြိမ်တွင် တစ်မျိုး၊ ဒုတိယအကြိမ်တွင် နောက်တစ်မျိုး) ထိုးပြီးနောက် အခြားကာကွယ်ဆေးတစ်မျိုးဖြင့် ထပ်မံအားဖြည့်ထိုးပါက ခုခံအားပမာဏ ပိုမိုရရှိကြောင်း တွေ့ရှိထားရပါတယ်။
- သို့သော် လေ့လာဆဲ အခြေအနေတွင်ပင် ရှိနေပါသေးတယ်။ ကမ္ဘာ့ကျန်းမာရေးအဖွဲ့ကြီးမှလည်း ထိုကဲ့သို့ ကာကွယ်ဆေးထိုးရန် အကြံပြုထားခြင်း မရှိသေးပါ။
2. ကာကွယ်ဆေး လက်ရှိ နှစ်မျိုးတွေ့ထားပါတယ်၊ Covishield နဲ့ Covaxin ဆိုပြီးတော့ပါ၊ ဒီနှစ်မျိုးမှာ ဘယ်ဆေးကပိုကောင်းပါသလဲ? ဘာကွာသလဲသိချင်ပါတယ်။
#Covaxin ကာကွယ်ဆေးကို အိန္ဒိယနိုင်ငံ Bharat Biotech ကုမ္ပဏီက အိန္ဒိယနိုင်ငံ ဆေးသုတေသနကောင်စီနှင့် တွဲဖက်ထုတ်လုပ်ထားသော ကိုဗစ်-၁၉ ကာကွယ်ဆေးဖြစ်ပါတယ်။ ၎င်းဆေးဟာ ဗိုင်းရပ်စ်ပိုးကို အစွမ်းမဲ့အောင် (Inactivated virus) ပြုလုပ်၍ ထုတ်လုပ်ထားသော ဆေးတစ်မျိုးဖြစ်ပြီး အပူချိန် ၂ မှ ၈ ဒီဂရီ ဆဲစီးယပ်စ် တွင် ထား၍ အသုံးပြုနိုင်ပါတယ်။- ပြင်းထန်သော ကိုဗစ်ရောဂါမှ #ကာကွယ်နိုင်စွမ်း_၉၃.၄_ရာခိုင်နှုန်းရှိပါတယ်။ ပထမအကြိမ် ဆေးထိုးပြီး ၂၈ ရက် အကြာတွင် ဒုတိယအကြိမ် ထပ်မံထိုးနှံရမှာ ဖြစ်ပါတယ်။
- Covaxin ကို ကမ္ဘာ့ကျန်းမာရေးအဖွဲ့ကြီးမှ #အရေးပေါ်အသုံးပြုခြင်းခွင့်ပြုချက်ပေးရန်စိစစ်နေဆဲ ဖြစ်ပါသည်။
#Covishield ကာကွယ်ဆေးကို အိန္ဒိယနိုင်ငံ Serum Institute of India Pvt Ltd မှ ထုတ်လုပ်ထားပြီး ဗိုင်းရပ်စ်ပိုး သယ်ဆောင်သောပိုး (viral vector) မှတဆင့် ထုတ်လုပ်ထားသော ကာကွယ်ဆေးဖြစ်သည်။ အပူချိန် ၂ မှ ၈ ဒီဂရီ ဆဲစီးယပ်စ် တွင် ထား၍ အသုံးပြုနိုင်ပါတယ်။- ပြင်းထန်သော ကိုဗစ်ရောဂါမှ #ကာကွယ်နိုင်စွမ်း_၉၂_ရာခိုင်နှုန်းရှိပါတယ်။ပထမအကြိမ် ဆေးထိုးပြီး ၂၈ ရက်မှ ၄၂ ရက်အတွင်းတွင် ဒုတိယအကြိမ် ထပ်မံထိုးနှံရမှာ ဖြစ်ပါတယ်။
- Covishield ကို ကမ္ဘာ့ကျန်းမာရေးအဖွဲ့ကြီးမှ #အရေးပေါ်အသုံးပြုခြင်းခွင့်ပြုချက်ထုတ်ပေးပြီး ဖြစ်ပါတယ်။
3. "ဆရာတို့ရှင် Covid ကာကွယ်ဆေးတွေ private ဆေးရုံတွေက တင်သွင်းပြီး ပိုက်ဆံပေးပြီး ထိုးလို့ရနေတယ်လို့ ကြားမိပါတယ်၊ အခုအခြေအနေနဲ့ ဝယ်ထိုးသင့်ပါသလား? ဆေးနာမည်တွေက Covaxin, Sinovac လို့သိရပါတယ်ရှင်။" #Covaxin ဆေးအကြောင်းအတွက် မေးခွန်း ၂ ကို ဖတ်ကြည့်ပေးပါ။ #Sinovac ကာကွယ်ဆေးကို တရုတ်နိုင်ငံ ဘေဂျင်း အခြေစိုက် Sinovac ကုမ္ပဏီက ထုတ်လုပ်ထားပြီး ဗိုင်းရပ်စ်ပိုးကို အစွမ်းမဲ့အောင်(Inactivated virus) ပြုလုပ်၍ ထုတ်လုပ်ထားသော ဆေးတစ်မျိုးဖြစ်ပါတယ်။ - ၎င်းဆေးကို ကမ္ဘာ့ကျန်းမာရေးအဖွဲ့ကြီးမှ #အရေးပေါ်အသုံးပြုခြင်းခွင့်ပြုချက်မကြာသေးမီကထုတ်ပေးထားခြင်း ဖြစ်ပါတယ်။
ကာကွယ်ဆေးများမှာ ပြင်းထန်သော ကိုဗစ်-၁၉ ရောဂါဖြစ်ပွားမှုမှ ကာကွယ်စေနိုင်သော်လည်း လုံးဝမကူးစက်အောင် ကာကွယ်နိုင်ခြင်း မရှိသဖြင့် ကိုဗစ်-၁၉ ရောဂါကာကွယ်ခြင်း လမ်းညွှန်ချက်များကို လိုက်နာသွားရန်မှာ ပိုမိုလိုအပ်လှပါသည်။ 4. Covid ကာကွယ်ဆေးထိုးပြီးရင် ဘယ်လောက် percent ကာကွယ်ပါသလဲ? Mask တပ်ခြင်းကရော ကာကွယ်ပါသလား? Positive ရှိတဲ့လူနာနဲ့ တစ်အိမ်ထဲ အတူနေသင့်ပါသလား?- ကိုဗစ်Vaccineဆိုင်ရာမေးခွန်းများ အပိုင်း(၁) LINK မှ မေးခွန်း နံပါတ် ၁ ကို ဖတ်ပေးပါ။
- ကာကွယ်ဆေးများမှာ ပြင်းထန်သော ကိုဗစ်-၁၉ ရောဂါဖြစ်ပွားမှုမှ အတိုင်းအတာတစ်ခုထိ ကာကွယ်စေနိုင်သော်လည်း ရောဂါလုံးဝမကူးစက်အောင် ကာကွယ်နိုင်ခြင်း မရှိသဖြင့် ကာကွယ်ဆေးထိုးပြီးသော်လည်း ကိုဗစ်-၁၉ ရောဂါကာကွယ်ခြင်း လမ်းညွှန်ချက်များဖြစ်သည့် မဖြစ်မနေ နှာခေါင်းပါးစပ်စည်း တပ်ခြင်း၊ ဆပ်ပြာနှင့်ရေ အသုံးပြု၍ စက္ကန့် ၂၀ ကြာလက်ဆေးခြင်း၊ လူစုလူဝေး ရှောင်ရှားခြင်းတို့ကို ဆက်လက် လိုက်နာသွားရန်မှာ လိုအပ်ပါသည်။
5. Covid ကာကွယ်ဆေးထိုးပြီး ကူးရင် ဆေးအာနိသင်ကျလို့လား ဘာ့ကြောင့်လဲ သိချင်ပါတယ်၊ ဆရာ။ Covid ကာကွယ်ဆေးထိုးပီးလည်း ကူးလား၊ ဆရာ? နောက်ဆက်တွဲအကြောင်းလည်းသိချင်ပါတယ် ဆရာ။- အထက်တွင် ဖော်ပြခဲ့ပြီးသော မေးခွန်း နံပါတ် ၄ အဖြေကို ပြန်ရည်ညွှန်းပါသည်။
6. ကာကွယ်ဆေးထိုးထားရင် ကိုဗစ်ပိုးက ခန္ဓာကိုယ်ထဲမှာ ကြာကြာမနေနိုင်ဘူး၊ ဆယ်ရက်အတွင်း ပိုးသေတယ်ဆိုတာ ဟုတ်လား?- ကာကွယ်ဆေးထိုးခြင်းဆိုသည်မှာ ခန္ဓာကိုယ်ထဲ ရောဂါပိုးမဝင်ရောက်ခင် ထိုရောဂါပိုးကို ခန္ဓာကိုယ်မှ ဦးစွာမှတ်မိအောင် ပြုလုပ်ပေးပြီး ကိုယ်ခံအားစနစ်မှ ပဋိဇီဝပစ္စည်း (antibody) ကို အရန်သင့် ထုတ်ထားပေးနိုင်အောင် ပြုလုပ်ခြင်း ဖြစ်ပါသည်။
- နောင်တစ်ချိန် ရောဂါပိုးနှင့် ထိတွေ့သည်နှင့် တစ်ပြိုင်နက် ရှိပြီးသား antibody တို့က ရောဂါပိုး မဝင်ရောက်နိုင်အောင် တိုက်ထုတ်ကာ ရောဂါကာကွယ်စေပါသည်။
7. အရင်တစ်ခေါက်ကာကွယ်ဆေးထိုးတုန်းက မထိုးခဲ့ရလို့ပါ၊ အခုတစ်ခေါက်က ဘယ်တော့ထိုးလို့ရမလဲ သိချင်ပါတယ်- အချိန်အတိအကျ ပြော၍ မရနိုင်သေးပါ၊ ကျေးဇူးပြု၍ ဆက်လက် စောင့်ဆိုင်းပေးပါ။
