#ကိုဗစ်ကုသခြင်းဆိုင်ရာမေးခွန်းများ (16.7.21)
=================================
1. ရေနွေးငွေ့ကို ရှူတာ အောက်စီဂျင်တက်ပါ့မလား ရှင့်?ဖြေ- ရေနွေးငွေ့ရှူခြင်းက သာမန် နှာခေါင်းပိတ်တာကို အနည်းငယ် သက်သာစေပေမယ့် အောက်စီဂျင် တက်ရလောက်တဲ့ အထိတော့ မဖြစ်နိုင်ပါဘူး။
- အပူချိန်မြင့်သော ရေနွေးငွေ့ကို အချိန်အတော်ကြာ ရှူမိပါက နှာခေါင်း၊ ပါးစပ်နှင့် အသက်ရှူ လမ်းကြောင်းတွင် အပူလောင်ခြင်းကို ခံစားရနိုင်ပါသည်။
2. ဖေဖေက မဖျားပါဘူး oximeter တိုင်းတာ မမှန်ဘူး၊ တိုင်းမရလို့ ကျန်တဲ့သူတိုင်းတာ ရတယ်၊ ဘာလို့လဲ?ဖြေ- pulse oximeter တိုင်းတာရာတွင် #သတိထားရမည့်အချက်များ
လက်သည်းဆိုးဆေးနှင့် လက်ချောင်းများပေါ်က ဒန်းဆေး အစရှိသည့် ဆိုးဆေးများ နေရောင်ခြည်နှင့် ခွဲစိတ်ခန်းသုံး မီးလုံးများမှ ပြင်ပအလင်းရောင် လူနာ၏ လှုပ်ရှားမှု လက်ချောင်းများဆီသို့ သွေးရောက်ရှိမှု ပမာဏ ကာဗွန်မိုနောက်ဆိုဒ်ကဲ့သို့သော ဓာတ်ငွေ့အဆိပ်သင့်ခြင်း အချို့သောက်ဆေးများအစရှိသည်တို့သည် pulse oximeter တိုင်းတာရာတွင် မှားယွင်းစေနိုင်သောကြောင့် သတိပြုရန် လိုအပ်ပါသည်။
3. ဆရာရှင့် ကျွန်မနှင့် ကျွန်မအမျိုးသားက ရိုးရိုးတုပ်ကွေးဖျားပြီး နှစ်ရက်ကြာချိန်မှာ နှစ်ယောက်လုံး အနံရော အရသာရော ပျောက်ပါတယ်။ ကျွန်မအမျိုးသားက အနံနဲ့ အရသာ မရတာ လေးရက်ရှိပါပြီ။ ကျွန်မက နှစ်ရက်ပါ။ တခြား ဖျားတာ အန်တာ ဝမ်းလျှောတာ ဘာမှမရှိပါဘူး။ အိမ်မှာလည်း နှစ်ယောက်လုံး တစ်ခန်းစီ Home Q ဝင်နေပါတယ်။ တစ်နေ့ကို Para နဲ့ Cevit ကို မနက်တိုင်း သောက်နေပါတယ်။ အနံ့ မြန်မြန် ပြန်ရအောင် ဘာဆက်လုပ်ရမလဲ ဆရာရှင်။ ကျေးဇူးပြုပြီး ဖြေကြားပေးပါနော်။ စာရှည်သွားရင် တောင်းပန်ပါတယ်။ ကျွန်မက နို့တိုက်မိခင်မို့ ဒီလိုအခြေအနေမှာ ကလေးနို့တိုက်လို့ ရလားရှင့်။မင်္ဂလာပါ ဆရာ၊ ဖျားတာက ပျောက်သွားပါပြီ၊ အရသာက မပျောက်သေးပါဘူး၊ အနံက ပျောက်နေတာ အခုထိ ပြန်မရသေးဘူး၊ အနံမြန်မြန်ပြန်ရအောင် ဘာဆက်လုပ်ရမယ်ဆိုတာလေး ဖြေကြားပေးပါလား ခင်ဗျာ့ မေး- အနံ့ပျောက်လူနာအတွက် ဘယ်လိုဆေးမျိုးတွေ တိုက်ရပါမလဲ ဆရာဖြေ- ကိုဗစ်ရောဂါမှာ အနံ့နဲ့ အရသာ ပျောက်သွားခြင်းက ရောဂါရဲ့ ဖြစ်စဥ်ထဲက လက္ခဏာ တစ်ခုသာဖြစ်ပါတယ်။ ရောဂါ သက်သာလာတာနဲ့ အမျှ အနံ့နဲ့ အရသာ #အလိုအလျောက်ပြန်လည်ရရှိလာမှာ ဖြစ်ပါတယ်။ အဲဒီအတွက် မည်သည့်ဆေးဝါးကို သောက်သုံးရမယ်လို့ #ညွှန်ကြားထားခြင်းမရှိသေးပါ။
- ကိုဗစ်ရောဂါကူးစက်ခံရသည့်တိုင် ကိုယ်ခံအားကောင်းမွန်သူသည် ရောဂါလက္ခဏာများ ပြင်းထန်စွာ ခံစားရသည့်အဆင့်သို့ ရောက်နိုင်ခြေနည်းပါးပြီး ပြန်လည်ကောင်းမွန်ရန် အခွင့်အရေးများပါသည်။
- ကိုယ်ခံအားကောင်းစေရန် အိပ်ရေးဝဝအိပ်ပါ၊ သားငါးသီးရွက်တို့ကို အာဟာရဓာတ် စုံလင်မျှတအောင် စားပါ၊ ရေများများသောက်ပါ၊ ကိုယ်လက်လှုပ်ရှားမှု ပုံမှန်ပြုလုပ်ပါ၊ စိတ်ဖိစီးမှု တတ်နိုင်သမျှ လျှော့ချပါ။
4. O2 91 ဆို O2 ပေးရမှာလား? စိုးရိမ်ရလား ရှင့်?စင်တာအနေနဲ့ မိမိအိမ်မှာတင် Oxygen ပေးနေရတဲ့ လူနာရှင်မိသားစုများကို စနစ်တကျ Oxygen ပေးနည်းလေး တင်ပေးစေလိုပါတယ် Dead body အချို့မှာ နှုတ်ခမ်းပြာပြီး အဆုတ်တွေ ကွဲသေဆုံးတယ်လို့ ကြားသိရလို့ပါအောက်စီဂျင်ရှူတာ တစ်ပတ်ကျော်ပါပြီ။ ရှူတဲ့အချိန်ကလွဲပြီး ဖြုတ်ရင် အောက်စီဂျင် မတက်လာလို့ပါ ခင်ဗျာ။ အဲဒါ ဘယ်လိုအခြေအနေကြောင့်ပါလဲ? သိပါရစေ ခင်ဗျ။ဖြေ-
အောက်စီဂျင် ပေးပုံပေးနည်းနှင့်ပတ်သက်၍ အောက်ပါ link မှတစ်ဆင့် ဖတ်ရှုပေးပါ။
