#ကိုဗစ်အထွေထွေမေးခွန်းများ (13.7.21)
=================================
1. ကိုယ်ဝန်သည်ဖြစ်ရင် အစာအာဟာရ လုံလောက်အောင် စားနိုင်ပေမဲ့ ညဘက် လုံးဝအိပ်မပျော်ရင် ကိုယ်ခံအား မလုံလောက်ဘဲ ရောဂါပိုပြင်းထန်နိုင်လားရှင့်?ဖြေ − နိုင်ငံတကာ လေ့လာတွေ့ရှိချက်များအရ ကိုယ်ဝန်ဆောင်မိခင်များသည် အခြားအရွယ်တူ ကိုယ်ဝန်မရှိသော အမျိုးသမီးများထက် ကိုဗစ်ရောဂါ ပြင်းထန်နိုင်ကြောင်း တွေ့ရှိရသည်။
- ကိုယ်ဝန်ဆောင်မိခင်သည်
အသက်အရွယ်ကြီးသူ (အသက် ၃၅ နှစ် အထက်) အဝလွန်သူ ဆီးချို၊ သွေးတိုးကဲ့သို့သော ရောဂါအခံရှိသူ ဖြစ်ပါက ပိုမိုပြင်းထန်နိုင်သည်။- ထို့ကြောင့် ကိုဗစ်ရောဂါမှ ကာကွယ်ရန် ကိုဗစ်ရောဂါ ကာကွယ်ဆေးထိုးခြင်း၊ maskတပ်ခြင်း၊ လက်ဆေးခြင်း၊ ၆ ပေကွာ ခပ်ခွာခွာ နေထိုင်ခြင်း၊ နှာချေ ချောင်းဆိုးသည့်အခါ တံတောင်ဆစ်၊ တစ်ရှူးတို့ကိုသာ သုံးခြင်း၊ လူထူထပ်သော နေရာ၊ အလုံပိတ်ထားသော နေရာများကို ရှောင်ကြဉ်ခြင်းတို့ လုပ်ဆောင်ရန် လိုအပ်ပါသည်။
- ကိုယ်ဝန်ဆောင်မိခင်များသည် ကိုယ်ပူခြင်း၊ ချောင်းဆိုးခြင်း၊ အသက်ရှူမဝခြင်း စသည့် လက္ခဏာများ ရှိပါက ဆရာဝန်နှင့် ဆွေးနွေးတိုင်ပင်ရန် အကြံပြုလိုပါသည်။
2. မြန်မာပြည်ကနေ ကိုဗစ် ဘယ်တော့ပြေးမလဲ သိပါရစေ။ဖြေ - ကိုဗစ်ကူးစက်မှု ကွင်းစက်ပြတ်သွားပါက ကူးစက်ဖြစ်ပွားမှု လျော့နည်းသွားနိုင်ပါသည်။
3. ကိုဗစ်က ဇီဝဗိုင်းရပ်စ်ပိုးလား ရှင့်? ရာသီတုပ်ကွေးလိုရော ကမ္ဘာပေါ်မှာ ဆက်လက် တည်ရှိသွားနိုင်ပါသလား?ဖြေ - ကိုဗစ် ၁၉ ရောဂါသည် SARS-CoV-2 ဗိုင်းရပ်စ်ပိုးကြောင့် ဖြစ်ပြီး ကိုရိုနာဗိုင်းရပ်စ် (Coronaviruses) အုပ်စုဝင် ဖြစ်သည်။
- ကိုဗစ်သည် ကမ္ဘာပေါ်တွင် မည်မျှကြာရှည်မည်ကို လေ့လာနေဆဲ ဖြစ်သည်။ သိပ္ပံပညာရှင်များ၏ အဆိုအရ ကိုဗစ်ကာကွယ်ဆေးများ၏ ကာကွယ်နိုင်စွမ်းကြာချိန်၊ ကိုဗစ်ဖြစ်ပြီးသူများ၏ ထွက်ပေါ်လာသော ကိုယ်ခံစွမ်းအားကြာချိန်တို့အပေါ် မူတည်သည်ဟု ပြောသည်။
လူဦးရေ၏ ၅၅-၈၀% သည် လုံလောက်သော ကိုယ်ခံစွမ်းအားကို ကာကွယ်ဆေးကြောင့် သော်လည်းကောင်း၊ ရောဂါဖြစ်ပြီးနောက် သော်လည်းကောင်း ရရှိမှသာလျှင် ကိုဗစ်ကပ်ဆိုးမှ အဆုံးသတ်နိုင်မည်ဟု ခန့်မှန်းကြသည်။4. "ဆီးချိုအခံရှိသူတစ်ယောက် ဆီးချိုတက်ပြီး မောလို့ ဆေးရုံတင်လိုက်တာ၊ Test kit နှင့် နှစ်ခါစစ် နှစ်ခါစလုံး Negative ပြတယ်၊ အောက်စီဂျင်က ၈၇ ကြားမှာ ပဲရှိတယ်။ ဖြုတ်လိုက်ရင် မောပါတယ်၊ အောက်စီဂျင်ပြတ်တော့ ဆုံးသွားပါတယ် ခင်ဗျာ ...ဘာကြောင့် ဖြစ်တာလဲ ခင်ဗျ?"ဖြေ - အသက်ဆုံးရှုံးသွားသည်ဟု သိရသည့်အတွက် မိသားစုနှင့်ထပ်တူ ဝမ်းနည်းမိပါသည်။
- နိုင်ငံတကာ guideline များအရ လူနာတွင် ကိုဗစ်သံသယရောဂါလက္ခဏာရှိပြီး Antigen test (Test kit) negative ဖြစ်ပါက ပိုမိုသေချာစေရန် NAAT (RT-PCR) ထပ်စစ်ရပါသည်။ နှစ်မျိုးလုံးတွင် negative ဖြစ်ပါက ယေဘုယျအားဖြင့် လူနာတွင် ပိုးမရှိဟု ပြောနိုင်ပါသည်။
- သို့သော် မည်သည့် test မှ ၁၀၀% မမှန်ပါ။ ထို့ကြောင့် လူနာတွင် ပိုးရှိနေသော်လည်း test တွင် negative ထွက်နေတတ်ပါသည်။ ထိုအဖြစ်အပျက်ကို false negative ဟုခေါ်ပါသည်။
