#ကိုယ်ခံအားမြှင့်တင်ဆောင်ရွက်ခြင်း 💪💪💪

 

#ကိုယ်ခံအားမြှင့်တင်ဆောင်ရွက်ခြင်း

=================================

- ကိုဗစ်-၁၉ ရောဂါကို ခုခံနိုင်ရန်အတွက် လက်တွေ့ပြုလုပ်ရန်မှာ ကိုယ်ခံအားမြင့်အောင် ပြုလုပ်ခြင်းသာ ဖြစ်ပါသည်။

- ကိုဗစ်ရောဂါကူးစက်ခံရသည့်တိုင် ကိုယ်ခံအားကောင်းမွန်သူသည် ရောဂါလက္ခဏာများ ပြင်းထန်စွာ ခံစားရသည့်အဆင့်သို့ ရောက်နိုင်ခြေနည်းပါးပြီး ပြန်လည်ကောင်းမွန်ရန် အခွင့်အရေးများပါသည်။

1. #အိပ်ရေးဝဝအိပ်ပါ

- အရွယ်ရောက်ပြီးသားသူတစ်ယောက်အတွက် နေ့စဥ် အနည်းဆုံး ၇ နာရီခန့် နှစ်ခြိုက်စွာ အိပ်စက်အနားယူဖို့ လိုအပ်ပါသည်။

- ဖြစ်နိုင်လျှင် နေ့စဥ် အိပ်ရာထ/ ဝင်ချိန် အချိန်တစ်ခုသတ်မှတ်၍ ပုံမှန်ထားရှိပါ။

2. သားငါးသီးရွက်တို့ကို #အာဟာရဓာတ်စုံလင်မျှတအောင် စားပါ

- ကိုယ်ခံအားတက်စေသည့် အစားအစာများဖြစ်သော

ချဥ်၍ အရည်ရွှမ်းပြီး Vitamin C ကြွယ်ဝသော သစ်သီးများ (ဥပမာ - လိမ္မော်၊ သံပုရာ၊ ကမ္ဗလာ)

အစိမ်းရောင်ရှိပြီး သံဓာတ် (Iron) ကြွယ်ဝသော ဟင်းသီးဟင်းရွက်များ (ဥပမာ - ကန်စွန်း၊ ဟင်းနုနွယ်၊ ပန်းဂေါ်ဖီစိမ်း)

ကိုယ်ခံအားမြင့်တက်စေသော နေ့စဥ်ဟင်းချက်ဖွယ်များ (ဥပမာ - ကြက်သွန်ဖြူ/နီ၊ ဂျင်း၊ နနွင်း)

Vitamin E ကြွယ်ဝသော အစေ့အဆန်အမျိုးမျိုး (ဥပမာ - နေကြာစေ့၊ သီဟိုစေ့၊ သစ်ကြားစေ့)

သွပ်ဓာတ် (Zinc) ပါသော အခွံမာပင်လယ်စာများ (ဥပမာ - ပုစွန်၊ ဂဏန်း၊ ဂုံးယောက်)

Vitamin D ကြွယ်ဝသော စားသောက်ဖွယ်များ (ဥပမာ - ဒိန်ချဥ်၊ ကြက်ဥ၊ ငါးသေတ္တာငါး၊ မှိုအမျိုးမျိုး)

Vitamin B ကြွယ်ဝသော စားသောက်ဖွယ်များ (ဥပမာ - ပဲအမျိုးမျိုး၊ နွားနို့၊ ကွေကာအုပ်)

အခြား သားငါးအမျိုးမျိုးတို့ကို သင့်တင့်မျှတအောင် စားသုံးပေးပါ။

- အစားအသောက်ပြင်ဆင်ချက်ပြုတ်ရာတွင် သန့်ရှင်းလတ်ဆတ်မှုရှိအောင် စီမံပါ

3. #ရေများများသောက်ပါ

- တစ်နေ့လျှင် အနည်းဆုံး ရေ ၂ လီတာခွဲ သောက်သုံးပေးသင့်ပါသည်။

- သောက်ရေသန့် (သို့မဟုတ်) ကျိုချက်ထားသော ရေကိုသာ သောက်သုံးရပါမည်။

4. #ကိုယ်လက်လှုပ်ရှားမှု ပုံမှန်ပြုလုပ်ပါ

- နေ့စဥ် အနည်းဆုံး နာရီဝက်ခန့် (မိနစ် ၃၀) ကိုယ်လက်လှုပ်ရှားမှု ပြုလုပ်သင့်ပါသည်။

- အထိုင်များသော သူဖြစ်ပါက ၂ နာရီ ထိုင်ပြီးတိုင်း ၅ မိနစ်ခန့် လမ်းလျှောက်ပါ။

5. #စိတ်ဖိစီးမှု တတ်နိုင်သမျှ လျှော့ချပါ

- အောက်ပါနည်းလမ်းများဖြင့် စိတ်ဖိစီးမှုကို လျှော့ချနိုင်ပါသည်

နေ့စဥ် တရားထိုင်၍ စိတ်ကို ရှင်းလင်းပါ

ကိုးကွယ်ရာဘာသာအလိုက် ဝတ်ပြုဆောင်ရွက်ပါ

စိတ်လေလွင့်မှု မရှိစေဘဲ မိမိနှစ်သက်ရာ ဝါသနာတစ်ခုခုကို လေ့လာလိုက်စားပါ

မိမိချစ်ခင်ရသူများနှင့် ရင်ဖွင့်ပြောဆိုပါ

မိမိမလုပ်နိုင်သည့် အရာများကို ငြင်းဆိုပါ

- နေ့စဥ်ဘဝအမောများကြားမှ ရယ်မောဖို့ မမေ့ပါနှင့်

6. #ဆေးလိပ်_အရက် သောက်သုံးခြင်းကို ရှောင်ကြဥ်ပါ

- ဆေးလိပ်သောက်သုံးသူဖြစ်ပါက ဆေးလိပ်ဖြတ်ရန် ကြိုးစားပါ။ (ဆေးလိပ်သောက်ခြင်းသည် အဆုတ်ကို အဓိက ထိခိုက်စေပါသည်)

- အရက်သောက်သုံးသူဖြစ်ပါက အရက်အလွန်အကျွံ သောက်သုံးခြင်းကို ရှောင်ကြဥ်ပါ။ သောက်သုံးသည့် ပမာဏကို လျှော့ချရန် ကြိုးစားပါ။ အရက်လုံးဝမသောက်သည့်ရက် တစ်ပတ်လျှင် အနည်းဆုံး ၂ ရက် ရှိရပါမည်။ (အရက်သောက်ခြင်းသည် အသည်းကို အဓိက ထိခိုက်စေပါသည်)

- လိုအပ်ပါက ဆရာဝန်နှင့် တိုင်ပင်ဆွေးနွေးပါ။

#CovidPrevention

ကျန်းမာရေးဝန်ကြီးဌာန

အမျိုးသားညီညွတ်ရေးအစိုးရ

ကိုဗစ်-၁၉ ရောဂါဆိုင်ရာ ကျန်းမာရေးပညာပေး ပိုစတာများ၊ လက်ကမ်းစာစောင်များနှင့် ရုပ်သံဗီဒီယိုများကို တစ်စုတစ်စည်းတည်း Download ရယူရန်-

https://tinyurl.com/c19mohnug

သို့မဟုတ်

https://drive.google.com/.../10jcsTjBu5pKnWylEEl0hNNp...

သို့မဟုတ်

https://www.mediafire.com/folder/2fiy2hu83esqd/COVID19