#ကိုဗစ်Vaccineဆိုင်ရာမေးခွန်းများ (23.7.21)
=================================
1. တီဘီဆေးသောက်နေချိန်မှာကိုဗစ်ကာကွယ်ဆေးထိုးလို့ရပါသလားရှင့်။ ဆေးသောက်တာတလလောက်ရှိပါပြီ။ ဆရာ၀န်က၆လသောက်ရမယ်လို့ပြောထားလို့ပါ။ ကျေးဇူးတင်ပါတယ်ရှင့်။ ဖြေ။ တီဘီဆေးသောက်နေသူများ ကိုဗစ်ကာကွယ်ဆေး ထိုးနိုင်ပါတယ်။ ဆေးမထိုးမီ ကုသမှုပေးနေသော ကျန်းမာရေးဝန်ထမ်းနှင့် ဆွေးနွေးထားရပါမယ်။ ကာကွယ်ဆေးထိုးပြီးခါစတွင် ဖြစ်လေ့ရှိသော ဖျားခြင်း၊ ကိုယ်လက်မအီမသာဖြစ်ခြင်းများနှင့် တီဘီဆေးကြောင့် ဖြစ်ပေါ်နိုင်သော ဆေးမတည့်ခြင်းလက္ခဏာများနှင့် ရောထွေးမှုမရှိစေရန် သတိပြုရပါမယ်။
2. လက်ရှိဖြစ်ပေါ်နေတဲ့ ဗိုင်းရပ်မျိုးကွဲအကုန်အပါအဝင်အထိ အကောင်းဆုံးကာကွယ်နိုင်တဲ့ဆေးက ဘာကာကွယ်ဆေးပါလဲ။ဖြေ။ ကာကွယ်ဆေး အများစုမှာ ဗိုင်းရပ်စ်မျိုးကွဲများကြောင့် ဖြစ်ပေါ်နိုင်သော ပြင်းထန်သော ကိုဗစ်ရောဂါကို အတိုင်းအတာတစ်ခုအထိ ကာကွယ်နိုင်ပါတယ်။ ၎င်းကာကွယ်ဆေးများအကြောင်းကို https://www.facebook.com/ckcmohnugmm/posts/114728104212778 ၊ https://www.facebook.com/ckcmohnugmm/posts/113457701006485 ၊ https://www.facebook.com/ckcmohnugmm/posts/110519997966922 နှင့် https://www.facebook.com/ckcmohnugmm/posts/116653550686900 တို့တွင် ကျေးဇူးပြု၍ ဖတ်ပေးစေလိုပါတယ်။
#ကိုဗစ်အထွေထွေမေးခွန်းများ (23.7.21)
=================================
1. ကိုဗစ် ရောဂါ ခံစားနေရစဉ်ကာလအတွင်းမည့်သည့် အစားအစာ များကို ရှောင်ကြဥ်ရမည်နည်း။Answer : အထွေထွေကျန်းမာရေးအတွက် လျှော့စားရမည့် သို့မဟုတ် ရှောင်ကြဥ်ရမည့် အရာများကို ကိုဗစ်လူနာများတွင်လည်း လျှော့ပေါ့စားသုံးခြင်း သို့မဟုတ် ရှောင်ကြဥ်ခြင်းများပြုလုပ်ရပါမည်။ ဥပမာအားဖြင့် ဆေးလိပ်နှင့်အရက်ကိုရှောင်ကြဥ်ခြင်း၊ အဆီလျှော့စားခြင်း၊အငန်လျှော့စားခြင်းနှင့်ချိုလွန်းသောအစားအသောက် များလျှော့စားခြင်းတို့ဖြစ်ပါသည်။
2. ကိုဗစ် လူနာတွေ ရှောင်ရမယ့်အစားအသောက်ရှိရင် ပြော ပြပေးပါရှင့်။ အထူးသဖြင့် ချွဲထစေ တဲ့နိူ့၊ အချို့က ပဲ ပြုတ် ဆော်ဒါပါတာတွေ မရ ဘူး ၊ အမျိုးမျိုးတွေ ပြော ကြလို့ပါAnswer : အစားအသောက်ကြောင့်ချွဲထစေသည်ဟု လေ့လာတွေ့ရှိချက် များမရှိပါ။ထို့ကြောင့်နွားနို့သောက်နိုင်ပါသည်။နွားနို့တွင် ကာဗိုဟိုက်ဒရိတ်၊အသားဓာတ်၊အဆီဓာတ်
နှင့် ဗီတာမင်သတ္တုဓာတ်များ ပါဝင်သောကြောင့်အာဟာရပြည့်ဝပါသည်။ပဲပြုတ်တွင် ဆော်ဒါထည့်တတ်ကြသော်လည်း လူကိုဘေးအန္တရာယ်ဖြစ်လောက်သောပမာဏမဟုတ်ပါ။ထို့ကြောင့် စားသုံးနိုင်ပါသည်။
3. ကိုဗစ်ဖြစ်ပြီး ဘယ်လောက်အကြာမှာ ပြန်ကောင်းလာနိုင်ပါလဲခင်ဗျာ။Answer: ကူးစက်ခံရသူအများစုမှာ အပျော့စား သို့မဟုတ် အလယ်အလတ် လက္ခ
ဏာများ ခံစားရခြင်းဖြစ်၍ နှစ်ပတ်အတွင်း ပြန်ကောင်းတတ်ပါသည်။ရောဂါပြင်းထန်သောသူများတွင်မူ သုံးပတ် မှခြောက်ပတ်အထိကြာတတ်ပါသည်။ လူနာ၏ ရောဂါအခံ၊ ကိုဗစ်၏ ပြင်းထန်မှုနှင့် နောက်ဆက်တွဲပြဿနာ များအပေါ်မူတည်၍ ပြန်ကောင်းရန်ကြာချိန် အပြောင်းအလဲရှိနိုင်ပါသည်။
4. ကိုဗစ်လူနာသည် မည်သည့်အစားအစာပိုမိုသင့်တော်ပါသနည်း ကျေးဇူးပါဆရာAnswer:လူနာနေ့စဥ် စားသုံးသောအစားအစာသည် အာဟာရပြည့်
ဝသော အစားအသောက်မျိုးဖြစ်သင့်ပါသည်။ထမင်း၊ပေါင်မုန့်၊အသား၊ငါး၊ပဲအမျိုးမျိုး၊ကြက်ဥ၊နို့နှင့်နို့ထွက်ပစ္စည်းများ၊ပဲနို့၊ချဥ်၍ အရည်ရွှမ်းပြီး Vitamin C ကြွယ်ဝသော သစ်သီးများ (ဥပမာ - လိမ္မော်၊ သံပုရာ၊ ကမ္ဗလာ)၊အစိမ်းရောင်ရှိပြီး သံဓာတ်ကြွယ်ဝသောဟင်းသီးဟင်းရွက်များ (ဥပမာ - ကန်စွန်း၊ ဟင်းနုနွယ်၊ ပန်းဂေါ်ဖီစိမ်း)၊ကိုယ်ခံအားမြင့်တက်စေသောနေ့စဥ်ဟင်းချက်ဖွယ်များ (ကြက်သွန်ဖြူ/နီ၊ ဂျင်း၊ နနွင်း) ၊Vitamin E ကြွယ်ဝသော အစေ့အဆန်အမျိုးမျိုး (ဥပမာ - စေ့၊ သီဟိုစေ့၊ သစ်ကြားစေ့) သွပ်ဓာတ် (Zinc) ပါသော အခွံမာပင်လယ်စာများ (ဥပမာ - ပုစွန်၊ ဂဏန်း၊ ဂုံးယောက်)စသဖြင့် သင့်တင့်မျှတအောင် ချက်ပြုတ်ပြီး စားသုံးနိုင်ပါသည်။ ရေဓာတ်ခန်းခြောက်မှု မရှိရလေအောင် ရေများများသောက်ပေးဖို့လည်း လိုအပ်ပါသည်။ #အရက် မသောက်ရပါ။
5. နာနတ်သီးအူတိုင် bromAc က Covid ကုနိုင်တယ်လို့အချို့တွေ တင်နေတာ တွေ့ရပါတယ်။bromAcဟုတ်မဟုတ် သိချင်ပါတယ်။ဒါကတော့ စမ်းသပ်တုန်း နောက်ဆုံးအဆင့်ကျန်သေးတယ် ဆိုလားပဲ https://mucpharm.com/covid Answer: နာနတ်သီးအူတိုင်တွင်ပါဝင်သော Bromelain ဓာတ်မှာ နာကျင်ခြင်းနှင့်ရောင်ရမ်းခြင်းကိုသက်သာစေသည်ဟု ယခင်ကတည်းကယူဆထားကြပြီး စျေးကွက်ထဲတွင် ဖြည့်စွက်စာ supplement အနေဖြင့် ရောင်းချနေမှုများရှိပါသည်။ကိုဗစ်တွင်လည်း ရောင်ရမ်းခြင်းဖြစ်စေသောဓာတ်များလျှော့ပါး၍ အဆုတ်ရောင်သက်သာနိုင်သည်ဟုယူဆကာ လေ့လာမှုများပြုလုပ်ကြပါသည်။သို့ရာတွင် ယခုအချိန်ထိ ကိုဗစ်တွင်ကုသနိုင်ကြောင်းအထောက်အထားခိုင်ခိုင်မာမာမရှိသေးပါ။ကမ္ဘာ့ကျန်းမာရေးအဖွဲ့ကြီးမှလည်းထောက်ခံထားခြင်းမရှိသေးပါ။ကိုယ်ခံအားကောင်းမွန်စေရန် အသီးအနှံ့ များနှင့်အာဟာရပြည့်ဝစွာစားသုံးနေထိုင်ရန်သာ တိုက်တွန်းလိုပါသည်။
6. Pဖြစ်ပြီး19ရက်ပြီခုထိတော့ဘာမှအရမ်းကြီးတော့မဆုိးပါဘူးဘယ်နှစ်ရက်လောက်ဆိုစိတ်ချရမလည်းဗျပြန်လည်းစစ်မပေးတော့စိတ်မချဖြစ်နေလို့ပါဗျAnswer: လက္ခဏာပြသည့်ရက် သို့မဟုတ် positive ဖြစ်သည့်ရက်မှစ၍ ရေတွက်လျှင် ၁၀ရက် ကျော်သောအခါ ကူးစက်ခံရသူတွင် ကိုဗစ်ပိုးအရေအတွက်ကျဆင်းလာသည့်အပြင် သူတပါးကိုကူးစက်နိုင်ခြင်းလည်းမရှိတော့ပါ။ ကိုယ်ခံအားကျဆင်း
သည့် တချို့သောလူနာများမှလွဲ၍ လူနာအများစု ကိုပြန်လည်စစ်ဆေးခြင်းမပြုတော့ပါ။ အပျော့စား သို့မဟုတ် အလယ်အလတ်လက္ခဏာများသာခံစားရသူများတွင် နှစ်ပတ်အတွင်း ပြန်ကောင်းလာကြပါသည်။
